[العميد البكري]

حتى يقارن القارىء بين القصيدتين تاليا جواب المغفور له إنشاء الله الشاعر الكبير شايف محمد الخالدي على ابوقيس العلفي.

الخالدي قال يا طارش معنى وهمام = شل الحروف النمام
خذها لبو قيس عبدالله بتأكيد وإلزام = وخذت فيها استلام
واخبار واعلام قله بين فارس وضرغام = دار الجدل والخصام
ما في خبر زين او اخبار ذي ترضي العام = بل كلها خام رام
وكلها ظاهره ما في خفى تحت الاكمام = ولا عليها غمام
نشوفها من خلال المسرحيه والافلام = من راس شامخ ريام
ونشوف الاثنين منذو عام تلقاهم اشتام = محد يرد السلام
والمشكله ذي خطم ناقه مليحه للأ يتام = اصبح يزر الخطام
ما عاد فكر بإن من بعدها مية خطام = ماسك لها باللجام
رعوي حسب ذا وحسّب ذا كما راعي اغنام = والاغلبيه غشام
اظن هذا هو قصده ومن حيث ما رام = واخر مرامه مرام
يقول للخلف ما بارجع وانا كنت قدام = غزيت مشرق وشام
ما جيت لاجي ولا خاضع ولا شبه دلام = طالب سكن او طعام
لِنّا اتفقنا على شركه بتوقيع الإبهام = مثل العمل بإهتمام
وانته وانا ايّ من نختار من بين الاسام = ذي با يصلي إمام
من نمنحه جائزة نوبل هديه وإكرام = ويستحق الوسام
نريد نتجاوز الازمه ومن حوم الافرام = ما ريد يحرق عصام
من لك مكانه وانا من لي بدل سعد سلام =ذي يخرموا له خرام
تخرم ثعابين له با يأكلونه بالاخشام =وانياب قـاتل وسـام
واحنا نقول ما خرب يشتي صيانه ورمام = من قبل يصبح حطام
والوحده القصد ذي حقق بها الشعب الاحلام = لا تخترقها سـهام
لن قد قبلنا بها راضين من دون إرغام = واعلنا الإنضمام
والأن ما ودنا العوده لعهد التشرذام = اخشى تبيض النعام
وبا تفرخ على طول الشواجب والاسوام = وبالقصور الرخام
لا يمكن ان نعطي الفرصه لحاقد ونمام = واعداء خسيسه لئام
او حاج كهنوت متلون لبس ثوب الإحرام = يحلم بعين المنام
يقول طاهر وعمره مادخل اي حمام = با يلتهمنا إلتهام
من مسنا بالاصابع باندوسه بالاقدام = ونخطمه بالصرام
وغير ذا لانبيح امراض مزمن بالاجسام = نقول ما هل زكام
مفروض نتجاوز المحنه بحكمه وإلهام = ننسى مأسي قدام
مالو فتحنا ملفات المعاصي والاثام = كم باتذكر نسام
عندي وعندك سوى كم ذي حصل جزر وإعدام = عم اغبار الخيام
محد بري يابن صالح عالم الغيب علام = كلاً بها شل زام
ما بانضلي نفتش دايماً بين الاكوام = على العظام الرمام
ومثل زاير تأكد هي زيارة تنسام = ماهي سبب لنفصام
سلامة الراس ذي غادر على ظهر حوام = ما جاب كيلوا جرام
ذا زار لندن وقبله ذاك زار امستردام = رحله بدون إنسجام
وفصل لي خاص حيا فيه غصبا تجرزام = ضحكه بدون إبتسام
لانك إنسان متحدي وشتام ذمام = وانا إبن حيه وهام
من يوم أنا طفل مادنيت راسي لحجام = ولا لبايع كدام
وايش في جعبتك ذي قلت لي بعد ايام = با تكشفه للانام
قل ذي معك لاتخفي من حروفك ولا لام = فك الغطاء واللحام
تقدر تقول عني احمق او مخرب وهدام = لفق تهم واتهام
من بايصدق كلامك ياصنم بين الاصنام = كيف إقبل الإنهزام
ما لوهزم من على يدك مبارز وهزام = يا لومتى للمدام
بل إنما الوقت يابوقيس ذي رك لعظام = ووطى جليل السنام
ومثلي إنسان شيبه واجب إتحمل أبيام = ما لوم مثلك غلام
تلاطم اوجاه بيضاء ما هي اوجاه لطام = بل تستحق أحترام
وقلت من بعد ما تقذف بكلماتك الخام = الشعر ادب وإحتشام
عادك وعاد المرض ذي فيك يحتاج رزام = عسى وماهو جذام
واذكر نبي عد ما حاج الحرم بالحرم حام = وما قرو ا بالختام