[quote=دقم شيبه][color=663333][size=5]قصيدة بمناسبة عزيزة علينا جميعا الا وهي اكتشاف آبار بترول في منطقة الحِدبَه حرَيضَه-عَمد (وادي حضرموت) قبل أسبوعين أو أكثر "حاولت أنقلها للمجلس قبل هذا الحين ولكن الوقت لم يسعفني وها أنا الآن أقدمها بين أيديكم آملا أن تنال اعجابكم.
قال البطاطي بن عمر= بشحن من الوادي شحـون
بترول في الحِدبَه وصل= بعد المشقـه والشجـون
من عمد و حريضه بزغ= نور الامل لي تسهنـون
واتفجرت صحراء الفلا= لي كانت البارح سجون
اليوم يالهاجس فرح= سعف العرب لـي يفرحـون
وانتي كذلك رحبي =بالضيف يـا سـود العيـون
غني على الصوت الشجي= واتخيري عذب اللحون
خلي العذيبي ينطوي= بيـن المجانـي والغصـون
ثلاثه آبـار اجبـرت =أهـل المكائن يحفـرون
كشفوا عليهـا واعنـوا= منتوجهـا كـم بايكـون
مهمـا يكـون انتاجهـا= برميـيـل ولا ملـيـون
نعمة وانا راضي بها= ماني كمـا لـي يجحـدون
لي همهم في بطنهـم =شبعـوا ولا بـا يشبعـون
يا ويلهم من جورنـا= قـوم الموائـد والصحـون
ماشي لهم مطرح و حل= فـي جولنـا يتجولـون
من ذا المحل يترحَّلوا= ولا هنـا بـا يندمـون
الباب بايوسع جمل =والدار ضمَّتها ركون
خطوة عظيمة والثناء= لأهل العمل لـي يعملـون
هم شرفوا أوطانهـا= لأجـل المواطـن يبذلـون
اوعودهم مـا خلفـت= مـدوا خطـوط التيلفـون
خلـوا المحـب يسمـع= حبيبـه كنهـم بايلتقـون
والمغترب صوته يصل =أهلـه وربعـه يسمعـون
ينشد ويتفقـد علـى =أحـوال بيتـه و الشـؤون
والبارحه ما قصـروا= رشنـوا بَوَادِيهـا رشـون
والكهربـااء إتركبـت= عمدانهـا مثـل الـقـرون
اتوسعت واتغلغلـت =بيـن المطـارح والدجـون
حتى البداوة نورت =تسمر علـى ضـوء النيـون
ما عاد حاجه للحطب= والكاز لـي بـه ترشنـون
وخطوط بر اتصلحت =مـن كـل وادي يعبـرون
في رُبع ساعه مـن =دعاهـم للمقـر بايوصلـون
كانت مسافة مبعـدة= فـوق الحصـى يطامـرون
يمشـون حافيـن القـدم= ماهمـهـم يتزمـلـون
عانـوا وقاسـوا بُعدهـا= لكنهـم يتحمـلـون
واهل المواتر ما عذر= وسط الطريـق يغـرزون
ماليوم ع خط الزفلت= عبروا بجنـي يشطحـون
يهنأ لكم يـا أصحابنـا= بالخيـر ذا لا تبطـرون
قوموا وأدوا للوطن =كل مـا وجـب لا تهملـون
لا تتركونه للخون =واهل المصالـح لـي يجـون
لي قصدهـم عالمنطقـه= وارجالهـا يتسيطـرون
"خابـت مساعيهـم وخي=يبنـا هدفهـم والظنـون
كله بفضل اجهودكم =يا نسـل حمـران العيـون
ياذي على الواجب تكي=لـون المشـوَّك بالطنـون
صنتوا الجنابي عالمخا=صـر والميـازر عالمتـون
لا يا رفعيين الهمـم= مـن طردهـم لا تعـذرون
حنوا عليهم بالصُمُل= واحنا لكـم ساعـد وعـون
ذا فصل والثانـي نهـم= يالمعتنـي بالميكرفـون
لأن القلوب الحاقده =دست عطـب وسـط الأذون
صيح بصوتك وانطلق =وامضي لهم قاصي ودون
هاذي الضلعية نفطها= يدفق من أعمـاق البطـون
ماعـاد بتشكَّـى لحـد =وانتـم كـذا لا تشتكـون
بصبر كما نخل الحجل= لي يسهن اطروح المزون
واتذكر الخبت الخلي= لو هـم معـك بايذكـرون
أيام ماذموه ذم= وقالوا حسافـه بـا يهـون
ظلى على شرعه وفـي= وامسوا بطينـه يقلبـون
غالي وسعره ما نـزل =جـوه الدلـل يتناقسـون
لي كان ما يسوى هلل =صاروا بذكـره يوصفـون
وأصبح مزراع منتجه =فيه الشجر من كـل لـون
عـذب الميـاه اتوفـرت =بالارتـوازي يستقـون
هامت على طول النظر= بالمتر كم بـا يحسبـون
فيه الأيادي العاملـه= واهـل الحراثـه يحرثـون
واللي يطلبـون العمـل= ع اسوامهـا يتقاطـرون
راحت عليكم للأسـف =يـاذي نويتـوا تشتـرون
بالأمس قلتوا مـا نبـا= واليـوم لجلـه تدفعـون
قـد شلهـا مـن شلهـا = ع جالهـا لا تحلمـون
شفوا لكم موقع أقل =عـن ذا المحـل لا تسألـون
والختم صلوا ع النبي =يـاذي لقولـي تسمعـون
تعداد ما رش المطر =والبرق رفـرف عالدجـون
يالله عسى يشفـع لنـا= يـوم الخلايـق يبعثـون