[وليدالمصري]

نصيحة مخلص








[center]يالله يارب السماء الفسيحه
باسمك بدأت القـول ياخيـر فتـاح
استغفـره واستلهمـه واستميحـه
إن كنت كنت ممن ينظم الشعر شطّاح
والشعر له شطحه ولهجه فصيحـه
كم قد تشـدّق فيـه كـاذب ومـداح
مهما مدح مش مقتنع فـي مديحـه
إلا لعيـن المصلحـه والتمصـلاح
اما أنا قـد هاجسـي فـي لبيحـه
عندي هدف معروف للناس نصّـاح
والدين عنـد المسلميـن النصيحـه
والنصح في وجه المتاهات مصبـاح
با قول ما في جعبتي مـن قريحـه
على لسـان الحـال يـا آحنـي آح
من بعد مـا كانـت بدايـه مليحـه
وكـل رافـع الــراس مـرتـاح
صار الوطن يحوي مساحه فسيحـه
أين انت ياذي ما معك ريش واجناح
هو فخرنا مهما حـدث مـا نبيحـه
نفعل على اطرافه خنادق ومشـراح
والعالـم اتفاجـأ بوحـده طميحـه
ضمّت جبل شمسان ونقم وصـرواح
وتكونت جمهوريـه فـي صبيحـه
مايو سنة تسعين باعيـاد وافـراح
والانتخابـات انتخبـنـا شريـحـه
للمؤتمـر والاشتراكـي والاصـلاح
والآن انـا باقـول كلمـه صريحـه
ومن زعل يزعل ومن صاح له صاح
لو شي قواعد والبطانـه صحيحـه
كان ان مبناها قوي حيـد مـرزاح
نحمي حماهـا بالعقـول الرجيحـه
يبحر عليهـا خيـر طاقـم ومـلاّح
والجيـش تتوحـد قـواه الرزيحـه
درع الوطن وقت المهمّـات يجتـاح
لو شي تبايـن يالجمـال السنيحـه
الأمـر عـادي والخلافـات مفتـاح
وكـل حاقـد لليـمـن يارويـحـه
لو هددّ الوحده فبا قـول لـه بـاح
وحدة بلادي ليـس سلعـه طريحـه
تدخل حسابات الخسـاره والاربـاح
لا تحسبوهـا مثـل غـزّه واريحـه
مفهومها غامض ولا عندها ايضـاح
عنها قضية شعـب ماهـي ذبيحـه
يوزّعوهـا بيـن مـذرع وبـطّـاح
هذا المخطـط قـد كشفنـا ذحيحـه
سقط قناعه من على الوجه وانشاح
ياذي ملانك حقـد خذهـا نصيحـه
مابا تصل شي حيث نفسك والاطماح
هذا الوطن ذي قد حفرتوا ضريحـه
من يوم توحد قد معه سبعـه ارواح
دبّت علـى بـرّه وبحـره وريحـه
حيـاه تبقـى دائمـا مالهـا ابـراح
والوضع يتطلـب نصلـح سويحـه
يشتي رقابـه لـلإداره وصححّـاح
نبدأ من أصحاب القـرون النطيحـه
لا الرأس صالح باقي الجسم مرتـاح
نشتي جراحـه للقلـوب الجريحـه
من قبل يصبح جسمنا كلـه اجـراح
الوضع فاسد ما لقـي مـن يزيحـه
ولا لقي في صولته كبـح الاجمـاح
هو سمّنا المنقـوع بيـن الشتيحـه
سم انتشر في داخل الجسـم ذبّـاح
كم يا حنش رهّاش تسمـع فحيحـه
محروس يحرس غابته ألف تمسـاح
لو با تخلّـوا كـل مـن يستبيحـه
يا غسلها منكم ويا كسر الاصمـاح
إن شي أمـل ولا فبقعـاء فسيحـه
سلّم لغيرك ياخـذ الأمـر وارتـاح
ما هوش عذر ان الموارد شحيحـه
هي الضمائر خلّت المجتمـع طـاح
وإلا منين هذي القصـور المريحـه
واحواشها ترغي صوالين واشبـاح
في قصدكـم للشارعـه مستريحـه
فمن سمر يسمر ومن راح لـه راح
أين المبـادئ جـات يـا للفضيحـه
أو قد دفنتوهـا بصنـدوق وضّـاح
واختم صلاتي بالصـلاه الصحيحـه
على محمـد كـل مـا بارقـه لاح
ذي جا بنور الحق ديـن النصيحـه
وآيات تكتب في المصاحف والالواح
والآل والصحب الأسـود الجميحـه
هم خير من هزّ الصوارم والارمـاح