هذا هو البدع الذي ارسله الشاعر المتالق صالح الصوفي
الى الشاعر العملاق محمد النصيري يعبر بما فيه
صالح بن علي جويه=بطلقها وعرضي حراس
بادمر شلل معديه=محسوبه زياده عالناس
فى المجلس يسو غليه=واحنا يا محمد بجراس
لااتكلمت قالو صيه=ممنوعين رد الأنفاس
زفوها مره هنديه=واهروها بكثر البواس
والرقصه على اللحجيه=والدانه بصوت العطاس
شيل الله مالك ليه=راح الفن راح الأحساس
لو تابعت راس الحيه=بانقطع ذنبها والراس
عينك بس فى الدوريه=ذي ماهل حجرفى متراس
من سوى ربع برقيه=قالو انه ذهبها والماس
والبنت اصبحت فوضيه=مملوكه لبعض الأجناس
محتالين عالشرعيه=ما والله نبت شي مغراس
برع يافئه مئذيه=بانبني حجاره والساس
المجلس لنا حريه=وانتو مالكم به مجلاس
هذا فصل واخر نيه=شابارك وبعطيك الكاس
لأنك ذي في الكليه=تستاهل تكون النبراس
حصلت العلامه ميه=والكندي رسب فى المدراس
لاواجب عمل يوميه=أوحضر لما فى الكراس
ختمنا وبعلن طيه=وان عاد الورق بالقرطاس
والهاجس معي فى الديه=والباقي يقطين أمواس
لكن يا مصلي نيه=عالمختار صلو ياناس
صلينا على المهديه=واتعوذت شر الوسواس
وهذا هو جواب الاخ صقر الحداء
قال المولعي في لَيّه=بلوي حيد شامخ ملاس
باسطولاتي الحربيّه=با حوّوّوّس ابوها حوّاس
دام القوه الجبريّه=بيدي درع مطليّ بلماس
شعرِي قُنبله ذريّه=إشعاعه يفتت لجواس
صنّعْت اسلحه نوويّه=بيلوجي يسدّ الانفاس
من هاجس معه تقنيّه=لقواله يهندس هنداس
عامد في قِلَعّ مبنيّه=فيها العزّ فيها النوماس
قم ياهاجسي بدريّه=خيل برق خِلتَه مراس
قالوا معركه جويّه=والصوفي بجنبه حُراس
وصْلّ برقيه خطيّه=قُله لا يدقدق لجراس
ون قد بُندقه محشيّه=امّنّها بقفل الترباس
شلّ البندقيه تْيّه=وارفع موقعه والمتراس
قله يكمل المسحيّه=ماعد فايده للبعساس
قوات النصيري جَيّه=بَعّتا الاسلحه يالفرناس
قد بالاسلحه العصريّه=بانفحس عدوّه فْحّاس
بَطلقْ هجمتي عكسيّه=وآ اكنّس قُراهم كنّاس
إن كان الخَبَر جدْيّه=وانّه غير ذلك لاباس
ياصوفي تراني ذَيّه=متغيرت مثل الالماس
من بالطيب والوديّه=جاني بطرحه فوق الراس
مامن جاء بسوء النيّه=يتهوجس امامي هوجاس
قد هي ذمتي مَبريّه=لاشفتوه من دون اضراس
اما من يواصل غََيّه=ما با يرجع الا محتاس
بلقي رايته مَحْنيّه=لو هو من قبايل لعماس
وانّه في دول غربيه=باجيبَه ولو من تكساس
**********
ها والان بالمثنيّه=قد باحط فاسي فـ الراس
شوف الطرحه العْلّوْيّه=هي والسُفليه في مقياس
هو زَيّــيّ ونا ذا زَيّه=ماشي فرق بين الاجناس
**********
اما الهنديه ياذيه=ذي قد دوخوها بُواس
قد معها رُتب ماسيّه=من عطاسها لاعباس
**********
اما الحيّه البريّه=حاذر منها يلغطاس
غداره تجي ملويّه=تلدغ من تشوفه فَرّاس
تبقا دايماً مخفيّه=ماتضهر سوى في لعراس
تترقب هنا ليليّه=للمزمار هو والفنطاس
لا انّسْيّه ولا جْنّيّه=مايوصل لها الا حنكاس
**********
امّا الدوريْه يا عْيّـه=للأعضا القُداما حُراس
ماهي شي بنا معنيّه=محنا مثلما بعض الناس
ذي معْهُم سِيَلّ نقديّه=دولارات ماهي طنفاس
محنا مانِجَدّ رُبْيّه=ماهل ياصديقي بَفْلاس
لاكن سهل هي مجليّه=لن نقطع املنا بلياس
لودامت معا الامويّه=مل حمزه حكم والعباس
**********
شوف البنت ذي مسميّه=باتتلبس احلا ملباس
ماضنيتها ملكيّه=هي جمهويه يا سيّاس
ديمقراطيه حُريّه=ماترضى بحاقد دسّاس
**********
اما الفرقه المؤذيّه=باتلعن يهودي خنّاس
نتكاتف سوا وسويّه=لنماره تشجع لنماس
مانبغا كُتل سريّه=او تشكيل موقف حساس
من عنده دُررّ شعريّه=ينثرها لنا فلمجلاس
حيث المعركه الحتميّه=تشتي وزن تشتي قِياس
ماشي فيه رومنّسيّه=او طَرّفْ الحبيب النعّاس
من هو ماسك اربيجيّه=بايستقبلوه الفُراس
اما مَن نوى الرفثيّه=بانلقيه داخل محباس
قُلنا بانسي اُلفيّه=نزرع حب ذي ما يِبْتَاس
نتداول في الورديّه=فلبكار او ف الغْلاس
عاد القبليه مصليّه=ف الروس الصليبه لَيّبَاس
بيخلونها مَعليّه=اعضانا القُداما لحماس
********
اما الرتبه الفخّريّه=ذي باركت وعطيت الكاس
شُكراً لك على الحنّيّه=ذي جت مثل سٌكر لنقاس
نفسي طيبه مهنيّه=ماشي لي طمع فلكسكاس
انته من اُسَرّ نشميّه=شاعر مثلما بو نواس
**********
اما المعركه الدمويّه=ذي فيها تناطح لتياس
بدعك ذي لصي مكريّه=اشعل نار حمرا بسباس
لنته تشتها مقضيّه=بانقضيك بلكيس اكياس
انسى القصه المنسيّه=خلّ الزير ينسى جساس