رحلة إلى اليمن ( صنعاء ) وتقرير مفصل لأكثر من 100 صورة رائعة جداً

[البـ أحمد ـرنس]

( رحلة منقولة من أحد السياح السعوديين )




السلام عليكم ورحمة الله وبركاته ..

شلونكم ؟؟ عساكم بخير ؟؟

أحب أصبح و أمسي على الجميييييييع

كنت ناوي أنزل ( تقرير عن زيارتي إلى دولة باكستان ) قلت خلني أأجله إلى بعدين لأن يحتاج إلى تعديل في بعض الصور ..



فجت هذي الاجازه و تعرفون هذي الاجازه .. لازم الواحد يستغلها .. في روحه من هنا أو من هناك ..


المهم ... قررت أسافر .. و أروح لدولة اليمن ..

بحكم أن أخوي يشتغل هناك .. في السفاره .. قلت فرصه .. نتعرف على اليمن وأهلها ..

توكلت على الله .. وحجزت على الطيران السعودي .. طبعاً قالوا مافيه إلا مره في الاسبوع وهي كل جمعه .. وكان سعر التذكره 1700 ريال سعودي

قلت مافيه مشكله ..

طبعاً قبل ما أروح .. حاولت أحصل على معلومات عن اليمن .. علشان الواحد يكون على بصيره .. بس ما لقيت شيء .. يبرد الكبد ...

طبعاً الفلوس كل ريال سعودي بسعر 53 يمني .. و عشرين ريال سعودي بألف يمني ..

طبعاً يوم رحت .. لاحظت بعض الاشياء .. خلوني أختصرها في بعض النقاط ..

أولاً : شعب اليمن

شعب طيب لأبعد الحدود

ويحبون يساعدون أي شخص .. أما بوصف أو معلومات عن شيء معين .. وإذا كنت في السوق بعضهم يتبرع ويروح معك حتى توصل إلى المكان إللي تبي .. طبعاً فيه ناس تبغى فلوس وفيها ناس حسن نيه ..


طبعاً الفقر واضح في البلد .. وعند كل إشارة ( يشحذون ) مالا يقل عن ثلاثة أشخاص عند كل إشارة

الشرطة .. ما تدور في الشوارع .. بس تلقاهم واقفين في مكان معين ( توفير للبنزين )

الاشارات قليله جداً .. ولكن الاشارة هي رجل المرور أو الشرطة معه عصا واقف في وسط التقاطع .. ويشر للسيارات ..


مافيه ( براميل زبايل عند البيوت ) أكرمكم الله .. بس تجي سيارة البلدية معه ( بوري ) يفجر الاذان تطلع وتعطيه الزباله .. وإذا لقوا عند بابك زباله ( يقولون أنهم يعطون مخالفه )

هذا في المدن الرئيسية .. لكن في القرى حدث ولا حرج ..

كل واحد مدد أسلاك كهرب إلى بيته .. بطريقته الخاصة .. بدون شركه ولا شيء .. ( يعني فوضى )

أما التخزين .. فحدث ولا حرج ..

حتى أنهم يستغربون إذا كنت ما تخزن .. وبعضهم راعي كيف .. ( يخلط فانتا و باور هاوس ومدري والله وش بعد ) علشان تضبط التخزينه .. ههههههههههههه

البلد يعيش على القات .. بالدرجة الاولى ..


المهم .. هناك شيئين لو تم إستغلالها .. كانت اليمن من أغنى الدول ..

( السياحه و الزراعة )

عندهم أماكن سياحيه .. غرييييييييبه مره ورااائعه جداً وشيء يفوق على دول السياحه بمليون مره ..

لكن عدم الاهتمام بها .. وستلاحظون بعض الصور .. وتعرفون معنى كلامي ..
وأيضا مشاكل القبائل هناك .. ومناطقهم .. من أسباب ترك السياحه في هذا البلد ..


أما الزراعة .. للأسف أكثر من 95% مزروعه ( قات ) وعندهم مزراع المنقى و الموز و اللوز و المناحل و العنب وأشياء كثيره .. لكن للأسف قليله جداً لأن القات مصيطر على الوضع


لا أريد أن أطيل عليكم .. خلونا نبدأ الرحله ..

توكلنا على الله وركبنا الطياره .. وهذي صورة من الجو .. للغيوم ..



وهذي صورة ثانية للغيوم وكانت منظر .. رااااائع جداً




وصلت المغرب إلى صنعاء .. ولقيت أخوي في إستقبالي .. طبعاً المطار .. صغييييييييير مره ..

المهم .. شلت عفشي .. وطلعت ..

وصلنا .. البيت ودخلت بيت أخوي .. وأعجبني المجلس و الزخرفه .. إللي فيه ..



قلت خلني .. بطلع عند الباب .. أشوف وأتفرج .. وكان في الصباح .. تقريباً الساعه 9 لقيت واحد معه ( عربية ) يبيع ( منقى ) وكان يقول الكيلوا .. بـ 2500 ريال يمني




يتبع ..

 

[البـ أحمد ـرنس]

ركبنا السيارة .. وتكولنا على الله ..

قال بوريك بيوت ( اليهود ) إللي هاجروا إلى إسرائيل ..

المنطقة أسمها

( بيت بوس )

وسبحان الله .. بيوت فوق ( حصاة كبيره ) ومالها إلا مدخل واحد ..

وهذي صورتها .. وهي من بعييد فوق الجبل



وهذي صورة يوم قربنا شوي .. لها ..



طلعنا بسيارة إلين وصلنا لها .. وأول ما نزلت علشان أتفرج وأصور جاني ولد صغير يمكن عمره 13 سنه

وشافني ولابس شماغ قال لي ( هوايرو ) هههههههههههه شكله ما يعرف السعودية ولا بعد سمع بها

وهذي صورة للبيوت من قريب



وهذي صورة ثانية من زاوية ثانية



وهذي صورة للبيوت





يتبع ...

 

[البـ أحمد ـرنس]

وحنا راجعين .. لقينا الطلاب توهم طالعين من المدارس



وحنا في الطريق لقينا ناس تزرع .. ( وتحرث على حمير ) وأنتم بكرامه ..



وشفنا .. الحريم يغسلون الثياب من موية ( الساقي ) يعني مافيه غسالات ..



طبعاً حنا لازلنا على طرف مدينة صنعاء .. ما طلعنا بعيد ..

دخلنا شارع شبه عام .. فيه محلات ..



وأنا أشوف لوحه مكتوب فيها ( سوق القات )



كل شيء يبيعونه ..




يتبع ...

 

[البـ أحمد ـرنس]

طبعاً .. مافيه شيء أسمه حقوق الاطفال .. ولا حقوق الانسان ..

وحنا في الطريق لقيت أولاد صغااااار .. يشتغلون في زفلتت الشوارع ؟؟؟



طلعنا .. الجبال .. وكانت مناظر رااااااااااائعه جداً وهي مناطق تسمى ( بني مطر )



وهذي صورة لمزرعة قات ..



فيه .. بيوت .. شكلها قديم ... بس تعجب لشكل النباء ؟؟



وحنا في الطريق .. قلت بالله وقف خلنا نشتري شيء نشربه ..

ولقينا هذي البقاله ..




وأنا جالس في السيارة لقيت واحد ( يصلي وجنبه الرشاش ) وكان المنظر راااااااائع جداً




شفت منظر غررررررررريب مره يوم خلص الرجال مصلي ؟؟ شفته ( يلبس سرواله ) ؟؟؟ وأسأل أخوي قال هذا ( مذهب الزيدي ) قلت أها .. فهمت .. لأنهم يعتقدون أن يمكن يكون فيه نجاسه ...

وأنا ألقطه بالصورة هذي




يتبع ..

 

[البـ أحمد ـرنس]

قلنا بنروح ( لوادي قها )

وحنا .. في الطريق .. لقينا .. مويه نازله من الجبل .. مويه طبيعة .. بس حاطين لها ( ماصورة ) علشان تنزل قويه شوي



وحاطين ( تانكي ) مويه .. من نفس المويه علشان إللي يبغى يشرب .. وسبحان الله مويه بااااااارده مره



وحنا في الطريق .. شفت بيوت حصى ؟؟ قلت أيش هذي قال هذي عندها مويه ( عيون ) يستأجرون هذي الغرف ويتسبحون فيها ..



وحنا في الطريق .. لقينا بقاله .. بس .. شكلها .. شيء ثااااااااني وشوفوا اللوحه حقت البقاله هههههههه




وهذي صورة لأحد العيون .. طبعاً هم مغطينها ..



ولقينا المويه تدخل الجبال .. قلنا خلنا ندخل .. ونمشي معها ..



وهذي صورة ثانية من داخل بين الجبال



طبعا كان الجو حااااااااااااار مره والسبب أنا نازلين كثير وبين جبال .. تغدينا .. وعينا من الله خير

وحنا راجعين .. لقينا ناس تغسل ( بطانياتهم و ثيابهم .. في نفس المويه )



وهذي صورة وحنا راجعين




يتبع ...

 

[البـ أحمد ـرنس]

قلنا بنروح ( لوادي قها )

وحنا .. في الطريق .. لقينا .. مويه نازله من الجبل .. مويه طبيعة .. بس حاطين لها ( ماصورة ) علشان تنزل قويه شوي



وحاطين ( تانكي ) مويه .. من نفس المويه علشان إللي يبغى يشرب .. وسبحان الله مويه بااااااارده مره



وحنا في الطريق .. شفت بيوت حصى ؟؟ قلت أيش هذي قال هذي عندها مويه ( عيون ) يستأجرون هذي الغرف ويتسبحون فيها ..



وحنا في الطريق .. لقينا بقاله .. بس .. شكلها .. شيء ثااااااااني وشوفوا اللوحه حقت البقاله هههههههه




وهذي صورة لأحد العيون .. طبعاً هم مغطينها ..



ولقينا المويه تدخل الجبال .. قلنا خلنا ندخل .. ونمشي معها ..



وهذي صورة ثانية من داخل بين الجبال



طبعا كان الجو حااااااااااااار مره والسبب أنا نازلين كثير وبين جبال .. تغدينا .. وعينا من الله خير

وحنا راجعين .. لقينا ناس تغسل ( بطانياتهم و ثيابهم .. في نفس المويه )



وهذي صورة وحنا راجعين




يتبع ...

 

[البـ أحمد ـرنس]

دخلنا .. صنعاء ..

وشفنا .. افضل بناء في صنعاء .. وهو مسجد علي عبدالله صالح

وكان بناء .. فعلاً رائع جداً




وهذي صورة من زاوية ثانية




قررنا .. نروح .. إلى أفضل مكان في صنعاء .. وهو


( باب اليمن )

وأنا أقول إللي ما راح إلى باب اليمن .. فهو ما زار اليمن

هذي صورة قبل ما نوصل إلى باب اليمن




وهذا هو باب اليمن ..




وهذي صورة من داخل الباب



وهذي صورة من الداخل لخلف باب اليمن



وهذي صورة لعملية ( عصر السمسم )




يتبع ...

 

[البـ أحمد ـرنس]

وهذي صورة لبعض المحلات ..



وهذي صورة لبعض المباني الرائعه في باب اليمن



وهذا محل يبيع .. الهديا .. ويبيع أسلحه قديمة



دخلنا محل .. يبيع ( جنبيات )




وهذي صورة لأحد شوارع السوق



وشرينا بعض الهديا .. ( نخليها تذكار )



وهذي صورة ثانية لأحد شوارع السوق



طبعاً يبعون صور جاهزة ... ورائعه إللي يبغى تذاكار ..




وهذي أحد المفارق الطريق للسوق



وهذا مسوي لوحة محل .. بس بطريقة راااااااائعه .. مسوي قماش بصورته وصورة عياله




وصلنا .. إلى مكان غريب مره ؟؟ تعرفون أيش هو ؟؟

( كعبة إبرهه )

إللي بناها .. لأهل اليمن علشان ما يروحون إلى الكعبه في مكه ؟؟

هذا هو السور الدائري هي كعبة إبرهه



وهذي الصورة لداخل .. كعبة إبرهه




يتبع ...

 

[البـ أحمد ـرنس]

نكمل ..

طبعاً وأنت في الطريق لازم .. تفتح عيونك زين .. لأن الطريق .. غير مؤمون .. يعني تلقى واحد يصلح سيارته في نصف الطريق ههههههههههههههه ما عنده مشكله .. يعني مو فاضي يطلع على كتف الخط

مثل هذا




الحمد لله أنا في النهار ههههههههه وإلا كان علوم ..

حنا عندنا بعارين .. وهم عندهم سيارات هههههههههههههه

المهم .. وقفنا عند محطه .. نبي نشتري

إلا والعجوز .. تطق الدريشة ... آمري ؟؟ قالت بالله عليه تصدق علي ..

بس عجوز رهيبه ههههههههههه تشحذ ومعها ( حزمت قات ) ههههههههههههههههه




وجنب المحطه سوق للقات .. راحت العجوز تشحذ قات ؟؟؟





دخلنا .. طريق فرعي .. وكان .. فيه بيوت على الجبال بشكل جميل



وليقينا .. مكان علشان نتغدى .. عنده ..

ونزلنا غدنا .. وتغدينا .. يوم خلصنا .. إلا وضيف يماني .. معه ولده .. جاء يتقهوى معنى .. وقعد يسولف معنا ..





لقينا بنت صغيرة مره .. ترعى الغنم ..




المهم .. كملنا طريقنا .. ونلقى شجر .. ( لوز ) ياليت كل اليمن شجر لوز




وحنا في الطريق شفت بيت ماشاء الله .. أكثر من أربعة أدوار .. بدون قواعد ؟؟ مو زينا يالله تخلف يحطون 8 أصياخ .. على دورين ؟




وحنا في الطريق ما تشوف على اليسار الارض من بعدها ..

والجو غيوووووووم وجو رااااااااااااااائع مره مره




في طريقنا .. لقينا واحد في نصف الطريق معه كورته ؟ بس وش رايكم في التكميله ...





وهذي صورة من المناظر الرائعه في الطريق



وهذي صورة ثانية والغيوم نااازله .. الحقيقه منظر .. خيالي .. ورائع




وحنا في الطريق لقينا قرية صغيرة مره .. ولقينا واحد يبيع عسل بس عسل من مزرعته لكن غير مصفى يعني من المنحله إلى القاروره ..

معليش الصورة مو ذاك الوضوح .. وهذي عينات للعسل





يتبع ...

 

[البـ أحمد ـرنس]

من بكره .. قلت بشتري قهوه .. دخلنا محل متخصص في القهوه .. وإلا خياش قهوه

دخلت داخل .. ولقيتهم يطيبونها ..



وهذي صورة للقهوه قبل ما تقشر



وهذي صورة قبل ما تقشر من قريب



من بكره .. قررنا نروح لمقر ( بيت الحجر ) وهو بيت الامام يحيى حميد طبعاً الامام يحيى على وقت الملك عبدالعزيز .. وما أبغى أدخل في تفاصيل المشاكل إللي صارت مع الملك عبدالعزيز والملك فيصل مع الامام يحيى ..

ومن بغى أفضل شيء وهي قصيدة ( عبدالله الصبّي ) الملقب ( مبيلش ) في حرب اللمك فيصل و الإمام يحيى

وهي القصيدة رقم ( 2 )

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]


وطبعاً بيته مبني على حجر ؟؟ وغريب مره .. ويقولون له أنفاق ..

وطبعاً علشان تشوفون كيف مهتمين بالسياحه .. شوفوا طريق بيت الحجر .. إللي يعد من التثراث اليميني ؟؟



وهذي قرية على الطريق






ولازم تدخل ( سكك ) بعض القرى علشان توصل له



ولازلنا ندخل .. من قرية إلى قرية ..




وأخيرا بانت مشارف البيت



وبدينا نوصل .. إلى البيت



وهذا صورة لبيت الامام يحيى من قريب




طبعاً الشحاذه في كل مكان .. مافيه مشكله عندهم ..




يتبع ..