بين الغضـب والتغاضـي

[رجّام المعارف]

اول مشاركه لي واتمنى ان تلقى اعجابكم

حوّل عليّ الهمّ مـن كـل مِشـراف=واحترت , مابين الغضـب والتغاضـي
إذا غضبت ارتحت , واخلفت الاعراف=وإذا تغاضيـت إش يزيـل إمتعاضـي
في ظلّ ذاك وبين زهـدي والاسـراف=وقبولـي المفتـون , فـي إعتـراضـي
هوجست , والشعّار ترجع على القاف=لا أزّمـت , بطوالـهـا والعـراضـي
كلٍ يرى نفسه شريـفٍ بـن اشـراف=وكلٍ يرى اللي خاصمه هـرج فاضـي
والمرجله , سوقٍ به سمـان وعجـاف=هـذاك بـه بايـع وهـذاك قاضـي
والناس , ما تهجد من اشرور وخـلاف=والنفس , كنّ بها على النـاس قاضـي
في هجرتي قابلت , وصخين , ونظـاف=وانهـت معـي تجاربـي بإتّعـاضـي
ومن اتعّاضي , صرت اخوّف , ولاخاف=مع نسبـةٍ عُليـا , لصـدق افتراضـي
إلا من اللسلوس , ملعـون الاوصـاف=يهديك غدره وانت هـادي وراضـي
إن جيت تغضب , ضيقتك منه تنعـاف=لا صـار بالتقديـر والأمـن حاضـي
وإن جيت تتغاضا , غدى شرّك احلاف=متحالفه , مـا تتـرك الغبـن ماضـي
غير إن لمحت الهمّ مـن كـلّ مشـراف=فألعن ابو الطيب علـى آبـو التغاضـي

 

[رجّام المعارف]

عفواً يا اخوان اللي يقدر يعدل

لأنه رفض تعديلي

ولا اعلم الخلل مني ام من التنسيق